Ako želite da se vaše dijete bolje prilagodi društvu takvo kakvo jeste, onda bi trebalo da prestanete da im govorite određene stvari jer djeci stvaraju osjećaj manje vrijednosti. A tako dolazi do kompleksa kojih će se teže riješiti u mladosti, ako ih u djetinjstvu često slušaju od svojih roditelja, onih koji stalno teže da zaštitite svoje dijete, iako nesvjesno, baš ovakvim izjavama čine suprotno od svojih želja.
Poznati su nam primjeri da djevojčice ne treba da dijelimo po njihovoj ljepoti i šarmu, isto kao što nam je poznato i da roditelji ne bi smjeli da upoređuju svoju djecu “na glas” ni s drugima, a posebno ne s braćom i sestrama, ali to nisu jedine situacije u kojima roditelj često nabija baš takve komplekse.
I baš zato što nisu poželjene, ove bi rečenice bi trebalo da prestanete da govorite svojoj djeci. One ih nimalo ne motivišu, prenosi CDM.
1. Kad sam ja bio u tvojih godina, ja sam bio odličan učenik i još sam i to i to i to…
Jeste li ikada pokušali da na ovaj način motivišete svoje dijete da bude odlično poput vas? Znate, njih to zapravo ne motiviše. Njih to plaši, a vi, umjesto da im postanete onaj kome se dive, zapravo postajete njihova konkurencija koju će, upravo zbog takvih rečenica, pokušati da nadjačaju. Ali ne zbog sebe i svog uspjeha, već zbog vas. A to baš nije zdrav odnos.
2. Ne volim te kad nisi dobar
Strašne li izjave – reći djetetu da ga ne volite iz nekog razloga, pa to mora da boli jako i duboko. Zbog takvih rečenica dijete neće ni čuti lekciju koju im pokušavate reći jer će čuti samo tu groznu spoznaju koju će potom poželjeti odmah da ispravi. Samo da udovolji vama, odnosno da ispuni vaša očekivanja, bez obzira na svoje vlastite potrebe i želje. Nije loše željeti da se dijete ne ponaša loše, ali ova rečenica zapravo aludira na to da dijete zbog želje da bude voljeno od drugih, mora prije svega naučiti da udovolji drugima.
3. Tvoja drugarica ima bolje ocjene, zašto ne možeš biti kao ona?
Još jedno poređenje koje kod djece redovno stvaraju neprijatnost, a ne motiviše ih. Štaviše, vremenom može pružiti i dodatan otpor djeteta da bude bolje.
4. Samo me stalno sramotiš takvim ponašanjem
Djeca još uvijek ne znaju što je to sramotno ponašanje (a često je to ono tipično dječije ponašanje kad dijete ne zna biti ništa drugo nego dijete), ali ovakva rečenica redovno u njima stvara sram, a sram je kompleks. Djeca, sjetite se, traže pažnju, a ne osjećaj manje vrijednosti.
5. Ne želim da te vidim ni čujem narednih sat vremena
Jasno je da su roditelji često s pravom ljuti na djecu, ali reći im ovako nešto ne samo da je prevelika kazna za dijete, nego kod njih stvara osjećaj krivice koji je obično znatno veći nego što bi trebalo da bude. Dijete u svojoj mladoj dobi, sjetite se, još nije u stanju da učini baš toliko veliku grešku da bi zbog nje osjećali tako veliku krivicu kao što je činjenica da ga njegov roditelj (u jednom trenutku) ne želi vidjeti niti čuti.
Izvor: hayat.ba
